🍀🍀((مجاراة))🍀🍀
احسب ان العمر يبطي ما يشيب
واحسب ان الوقت ما يمضي معه
خاب ظن كنت اظنه مايخيب
ول ياوقت علينا ما اسرعه
عبدالعزيز الضويحي-ابوعبدالله ١٤٣٧/١/٧هـ
🍀🍀🍀🍀
وجاء الرد سريعا
هزني بدع لفانى له نحيب
وسطه المضمون هم نجرعه
ساقه الشاعر لنا ابن الأديب
ومن نحيبه صاح قلبي وتبعه
محمد البخيتان(وارث الشعر)
------------------
🍀🍀🍀🍀🍀
مجاراه اخرى
اقول :
يالضويحي جعل عمرك مايغيب
خل عنك الشيب واحذر تتبعه
كان ماتمسي سوات العندليب
اعرف ان الوقت يمضي باسرعه
فهد بن عبد الله الروضان
20/10/2015م
!"!"!"؛"؛"؛"
🍀🍀🍀🍀🍀
هذه مجاراة للشاعر عبدالعزيز الضويحي🌹💐💐🌹
كنت مثلك واحسب اني ماأشيب
وعقب شوفي له وانا في معمعه
وعمرهاالدنيا فلا تعرف صحيب
والعُمُر وان طال ترى الله يقطعه
{فتى مرات}
محمد بن عبدالحكيم الشبيكي
١٢١٥/١٠/٢٠م
🍀🍀🍀🍀🍀
مجاراة للاخ ابوعبدالله الضويحي وبقية الاخوة الاعزاء///
الزمن ياصاحبي طبعه غريب
&&&
تنتظر صبحك وثم تودعه&&&
وجه اغبر مايصب الا السريب&&&
وكننا في هالزمن في مسبعه&&&
خيرنا يكثر ودنيانا تطيب&&&
والصدور اتضيق مافيها سعه&&&،،-----
(علي الدعيج-ابوحمد)
🍀🍀🍀🍀
@@&&&&&&&&&&&&&@@
غردالمبدع /عبدالعزيز الضويحي-ابوعبدالله في١٤٣٧/١/٧هـ
فاحببت مجاراته والمشاركه مع احبتي
فقلت:
غردالمبدع بصوتٍ له نحيب&
من سمع صوته تعنى وافجعه@
قمت من نومي انشدمستصيب &
اتبع الجره وانشدواتبعه@
صاب جرحٍ في خفوقي مستريب&
وابتديت ازن كلامه وارفعه@
سيطرالهاجس بدمي له دبيب&
غردالمدحورجعله يقلعه@
يالربع ماشن يصيب الاالنصيب&
عندربي علم كونه وسنعه@
الشاعر فهد المجيول( ابومحمد)
🍀🍀🍀🍀🍀🍀
الطفل لامن كبر لازم يشيب
قالها الرحمن حق ونتبعه
احذر الدنيا وكن لله قريب
وان لفاك الضيف لاتردى معه
مالك الا ذكرك بخير وطيب
والريال احذر تصر وتجمعه
السنن في خلق ربي تب تصيب
والحضيض اللي يجمله سنعه
والختم صلوعلى الهادي الحبيب
النبي اللي امرنا نتبعه
عبدالله محمد الروضان
🍀🍀🍀🍀🍀
جعل شمسك يالسنافي ماتغيب..
اطلب الله والرجا لا تقطعه..
الفتى لاعاش ياتيه المشيب..
والزمن لو كان ماطاعك طعه..
(أبوسامي الضويحي)
🍀🍀🍀🍀🍀🍀
يابوعبدالله رفيقي يالحبيب.
مامضى من وقت صعب ترجعه.
العمر فاني وكلاً للمشيب. .
ذا طريقاً كل شخصاً يتبعه.
الحظيظ اللي بهالدنيا لبيب.
بطاعة الله ماهو قرشاً يجمعه.
عبدالله الدعيج -ابوريان
🍀🍀🍀🍀🍀🍀
من هو اللي ماتفاجأ بالمشيب
سنة الله في الحياة الممتعه
النذير يقول اصحى يالبيب
غافلــين والرجـاء مانقطعه
العفو والعافية يامستجيب
لمن بدعها وكل من يقرأ معه
ابراهيم محمد العمر - أبونواف
🍀🍀🍀.
🍀🍀🍀🍀🍀🍀
الضويحي قال والمعنى عجيب
وكل شاعر جاوبه يوم سمعه
ينقل الشعار من جوٍ رتـيـب
عادته دايم كذا ما أروعه
وصل شعره للبعيد وللقريب
وهلت القيفان تترى تتبعه
إن كتب حرفين للمعنى تصيب
وإن سكت يكفي يأشر بأصبعه
فيه ناسٍ خصها ربي بطيب
همها للخير دايم تزرعه
وفيه ناسٍ ليتها عنا تغـيـب
الحسود أرجي عسى الله يقلعه
بالأشاره يفهم الشخص اللبيب
ومن تخفى ما تـفـيـد الأقنعه
الشاعر ابراهيم المجلي -ابوفارس
🍀🍀🍀🍀🍀🍀🍀
لاتحسب الوقت في عمر المشيب
ولاتقول العمر شيب مااسرعه
احسب اللحظات واجنب كل عيب
واصبر بمره اذا. تتجرعه
وخل طول العمرفي فعل صويب
وفي شبابك زود خير الأمتعه
وفي معيشك لا تشكى و لاتعيب
عش بطيبك والردى عنك اردعه
نوره بنت حسن المشخص
🍀🍀🍀🍀🍀🍀
السلام عليكم ،،، هذه مجاراتي للابيات المقدمه من الشاعر عبد العزيز الضويحي والتي جاراه فيها الشعراء في القروب ،،، وقد كنت غائبا في وقتها عن القروب ،،، وبحق رائعه ومجاراة الاخوه الشعراء جميعها رائعه ،،، فاحببت المشاركه ،،،
-----------
ياصليب الراي والفهم الاريب،،،
شاعر جاب المعاني نسمعه ،،،
ان بداك الشيب مافي الشيب عيب،،،،
الليالي والتجارب تصنعه،،،
زاير مقبل على وصله قريب ،،،
ماشيٍ دربه ولا من يمنعه ،،،
زاهي لونه مثل لون الحليب،،،
وقتك المحسوب مقرون (ن)معه
العمر ون طال دربه للمشيب،
والحياة دروس منها تجمعه. ،
--------
محمد الدايل ( ابو ابراهيم )
🍀🍀🍀🍀🍀🍀🍀🍀