| مجاراة ابوسامي الضويحي لقصيدة عبدالعزيز الضويحي
هذه القصيدة مجاراة لقصيدة الشاعر : عبدالعزيز بن عبد الله الضويحي.
التي مدح فيها والده. خالي العزيزالأستاذ: عبد الله بن عبدالعزيز الضويحي
وأجاد وأشاد فيها بأجدادنا وأبناء عمومتنا أل ضويحي رحمهم الله. | ||
ياللي مدحت آل الضويحي ونعمين.
مشكور باللي قـلت فـي كل حـاله.
مدحت أبوك اللي على الراس والعين.
خالـي وله تقـديروالطـيب فاله.
ومدحـت جـدانٍ لنا مسـتحـقين.
والكـل منهم نفتخـر فـي فـعاله.
وجـاريت لك بالقاف ماقلت بعدين.
مادام شعـر المـدح واسـع مجـاله.
شربت لي فنجال والحقت باثنين.
مـن دلـة مــن ذاقـها ســاح باله.
بريةٍ بالهـيل مـن طعمها الزين.
زالت عماس الفكر واطلق خياله.
وجتني المعاني مثل هيم البعارين.
ورّدتّـها تشــرب بصـافي زلاله.
وصدرتها يوم ارتوت بالنبا الزين.
فـرايــدًٍ ماتقــبل إلا الجــزاله.
وابـديتها مااخـفيتها يامحـبين.
ولا خــير باللـي مايثمـن مقاله.
بلا قصًـور بالرجــال المسـمين.
أهـل مـرات أهـل الكرم والشكاله.
به واحـد معـروف بين الميامين.
رجـل كـريمٍ وافــياتٍ خصــاله.
له سـيرة عـطره وربعٍ عـزيزين.
والكـل يمـدح فيه لاجـا مـجاله.
هذاك أبوي اللـي توفى من سنين.
يالله عسـى جـنات عـدنٍ مـآله.
ياكثرمـاله مـن رفـاقه ومـغلين.
وسـط المجالس دايمٍ يندعى له.
امحمد اللــي راجـحٍ بالمــوازين.
ابن ضـويحــي وافــياتٍ فــعاله.
بيته مضــيفٍ دايـمٍ للقــريبين.
يبذل لهــم مايمـلكه مـن حلاله.
كريم وقت الشح في بيتنا الطين.
لا جا له المحـتاج زاد العـطى له.
ريف الفقارا والضعوف المساكين.
ويمناه تخفي ماعطت عن شماله.
وله قصةٍ يوم إن حــنا صـغيرين.
مـانيب ناسـي هـومته واعتجـاله .
فـي ليلـة ظـلما ذبح له طـليين.
هـذا بعـد هـذا لضـيفٍ لفـى له.
ويوم انتقلنا للمخطط سـعيدين.
ماهـوب يرفق ياجـماعه بحـاله.
دايم وهـو ملفى لمن جوه عانين.
للمتحف اللي حـط به راس ماله.
يفرح بزواره وناشـي عـلى الدين.
مايقبل النمه مـن اللـي حكى له.
ولاجت صلاة الفجر قبل المصلين.
إيسـابق المــذّن ويــذّن بــداله.
ودايم بفـجر العيد والناس غافين.
فرشـته عــند البيت معـها دلاله.
يعــز جـيرانه وهــم له مـودين.
ويفرح بخدمتهم وراعي جماله.
ومـازال ذكـره بين كل العزيزين.
والبيت بالديـره كمـيتٍ شـماله.
المعـلم اللـي به تراث القديمين.
جهدٍ مـن أخـواني صعيبٍ مناله.
ياتيه ســكان الـبلد والبعـيدين.
والكـل يدعـي له ويشكر عياله.
وصلاة ربـي عـد ماغمضت عين.
علـى الــذي بـلّغ وأدى الرسـاله.
عبدالله بن محمد الضويحي_ابوسامي
١٤٣٧/١٠/٢٤هـ
| ||
الجمعة، 29 يوليو 2016
مجاراة ابوسامي الضويحي لقصيدة عبدالعزيز الضويحي
الأربعاء، 27 يوليو 2016
الى والدي حفظه الله
| الى والدي حفظه الله عبدالله بن عبدالعزيز الضويحي شعر / عبدالعزيز بن عبدالله الضويحي | ||
من فوق غصن الراك اوحيت لحنين يسجع بها طير و طير قباله وانا متوسد طلحة بين جذعين عن لاهب الجوزاء ادوّر ضلاله وهيّض عليّ الطير بغناه طربين وشبيت ضوّي مشتهن لي بياله من شاهي ما خدروه الغشيمين من دار سيلان نقضنا حباله يجلي عماس الراس لعله ايلين واجاوب الورقا بالالحان داله واكتب سلام باحترام وتثمين لابوي يا حيه و يا حي فاله آقف لذكره واشكره واقضي الدين اللي حمانا عن دروب الرذالة سلام يا نسل الشيوخ العريبين سلام يا تاج النسب و الاصالة وعقب السلام ازكى عطور و رياحين ابثها باوفى طروق الجزالة للي سكن بمراة دار المحبين يازين موطنها و يا عذب جاله من غليها عنده تفوق الملايين يا ما مدحها رغم راعي العذاله ويا ما تغنى في هواها من سنين وياما نظم فيها شوارد خياله شوارد تناقلوها المذيعين يوم الوفاء للدار هي من خصاله ويا ما رقى لكميت للمنظر الزين المنظر اللي يبهجك في جماله يشاهد الديرة و ذيك البساتين والجفرة الخبراء وماها بدا له وياما على فرقى الوطن حده البين ويا ما بذل في حبها كل ماله ويا ما كتب عنها كتاب ودواوين ويا ما جمع عنها زمان مضى له ويا ما تعنّى باحث للبخيصين لعل يلقى شاهد قد غداله يفوز منه بسطر و الا بسطرين يروي ظما بحثه بزود احتماله وله مجلس مفتوح للعلم و الدين يا زين صفت كتبها مع دلاله في مجلس ما دنسوه الرديين كم طالب للعلم في مراة جاله لك البرازي سقت شعري بتضمين بعض الذي قد حاز فكري و ناله لك ياوريث المجد ماضٍ و هالحين ياولد شيخ لارتكى الحمل شاله اخو محمد له فعول وبراهين ياسعد من شابه ابوكم فعاله عبدالعزيز اللي كسب قول نعمين ابومحمد واجد اللي عناله اكوانه اللي ورخت فوق عشرين مضبوطة بالعلم ماهي جهاله مع الزعيم اللي رفع راية الدين ابن سعود مروض كل عاله صقر الجزيرة ومّره في بلادين بالعارضة و القنفذة من شماله ومثل امكم والله ما شافت العين شريفة من نسل راعي الرسالة نعم الخوال الطاهرين العفيفين اشراف يافخر الذي هم خواله وفي عمك محمد ترى نظمي يزين الفارس الضرغام عقّب بداله نال الشهادة ضد قوم المعادين في موقف كل حكاه وروى له سنة البكيرية بواحد و عشرين والف وثلاثمية وواحد كمالة وحمود عمك سيف احدب بحدين وجراب تشهد له على ما جرا له بطولة فيها شجاعة عديمين ضبيب شاهدها رديف ارتكاله وفي عمك اللي مالذكره شبيهين عبدالرحمن الله يكرم نزاله له بصمة بالوشم عند القديمين وله حظوة عند العرب يندعى له يقولها من كان قاصي و الادنين يوم السبيعي بالورق دزها له المبرقة تشهد بذيك العناوين لابن ضويحي ياصل الخط حاله ومن بعد ذا يابوي اهلا وسهلين حيّيت يارمز الوفاء والعدالة حيّيت ياواصل ارحام القريبين واللي بعيد ما قطعتا وصاله احترت وين ابدا معك وانتهي وين صعب نوصّف شاهق من جباله انت المربي والمعلم بتمكين تلميذكم يشهد لكم يوم قاله صنت الامانة في رسالة مربين ودليلها طالبك تجلي خماله وانت الذي تستر عيوب المساكين كم واحد خليّت مشيه عداله وانت الذي بالبر تضرب مثالين مهوب واحد كان يوفي مثاله يشهد على ما قول ربع وفيين والضد يشهد له وراعي الزماله وختامها يابوي حنا مقلين مير العذر منكم يوازي نواله | ||
الخميس، 21 يوليو 2016
خاطرة الصيف الهائج
☀☀☀☀☀
خاطرة صيف
🌞🌞🌞🌞🌞
تكفون يا ذا العرب تكفون
الحر ذا اليوم وش طبه
ما عاد ينفع معه فريون
ولا الشواطي مع الغبة
الا ان يجي من ولي الكون
نفحات بردا لها هبّة
عبدالعزيز بن عبدالله الضويحي
1437/10/16هـ
🍂🍂🍂🍂🍂
رد الشاعر سعد بن غنيم القباني
يبي لنا (نيس)؟والا (بون) ..
ابرك من القاع والخـبة !
الحر هذا معه وشلون ..
من قو. قوّة شكى ظبّة !
سعد بن غنيم القباني
🍂🍂🍂🍂🍂🍂
آباؤنا ش كانوا يسوون؟!
ما يعترض شيئ من ربه!
مهما لقوا - والله - يعانون
هيضتني وشعرك السبه 😃
يابن ضويحي أيا مغبون
خاطرك - انا - ما أرحب به
❤
محمد بن حمد العاصم - ثادق
🍂🍂🍂🍂🍂🍂🍂
للاخ العزيز محمد العاصم:
لا يا رفيقي تجي مشحون
في ردكم غلوا و عجبه
حنا رجينا الاله العون
يمدنا الخير نبرد به
ولا اعترضنا وانا ممنون
وترى التشدد هو النكبه
بالفهم يمكن تخيب ظنون
لازم تأكد و تبصر به
عبدالعزيز بن عبدالله الضويحي
🍂🍂🍂🍂🍂🍂🍂
رد الشاعر عبدالله بن محمد الضويحي:
الحـرّ ياناس لـو تـدرون
يوم الحشـر نار مشـتبه
في ماقف فيه تجتمعون
ياويل مـن هو عصى ربه
والا الحـراره بهـذا الكون
به ضـل والإسبليت طبة
والواجب الناس يتّعظون
ياحــظ مـن ربنا حـبّه
( أبوسامي الضويحي )
🍂🍂🍂🍂🍂🍂🍂
رد الشاعر محمد البخيتان_وارث الشعر
ياهل الشعروشبكم تشكون
وكلً يدور على طبه
هذا تذمر وذا مغبون
وهذاشكى الحال في ضبه
هذي مواعظ اله الكون
للعاصي المذنب لربه
والي كتب ضيقته وشلون
ياويل من للدهر سبه
الناس للحر ما يقوون
والبرد لا جى على الشبه
يعني كذا او كذا مشحون
الا بجنات من ربه
محمدالبخيتان
🍂🍂🍂🍂🍂🍂🍂
ورد الشاعر خالد بن ضويحي الضويحي
حييت يالشاعر المزيون
ما يشتكي البيت من حبه
حب الوطن بالحشا مدفون
ياكيف ابا ابعد وانا احبه
عشاقة الغرب..خلك هون
بسياحة الداخل ارحب به
وان كان الاصحاب مايدرون
ترا الغزاله ورى جبه
خالد بن ضويحي الضويحي - المدينة المنورة
🍂🍂🍂🍂🍂🍂
ورد الشاعر محمد الهبدان
يامرحبا والله و مليون
اللي باقصى الحشا حبه
لاتشتكي وتظهر المكنون
عندي لك علاجه وطبه
اركب على صنعة الملعون
من خلفته ماعرف ربه
ويمم على ديرة المزيون
له بالحلا زين تعجب به
يم البحر جوها مجنون
جو عليل و تطرب به
محمد بن نافع الهبدان
🍂🍂🍂🍂🍂🍂
الأحد، 10 يوليو 2016
ال موسى ربعنا
بمناسبة زيارتي انا والوالد حفظه الله لاجتماع اسرة ال موسى حفظهم الله
في ثاني ايام عيد الفطر 1437هـ في استراحة البديعة بمحافظة مرات
قلت هذه الابيات :
ال موسى ربعنا اهل و نسايب
نفتخر فيهم خوال غانمينا
هم خوال اجدادنا نعم القرايب
سعد من صارت مغيرة له عوينا
الكرم والطيب ماجاهم كسايب
وارثينه من سنين الاولينا
وارثينه يوم صعبات النشايب
في زمان العسر يهدون السمينا
وجعل قبر ضم (سارة*) للسحايب
تمطره عامين ما مرت علينا
الهوامش:
*سارة بنت علي بن موسى جدة اسرة ال ضويحي
غفر الله لها واسكنها الفردوس الاعلى من الجنة
عبدالعزيز بن عبدالله الضويحي
محافظة مرات 1437/10/2هـ
««مجاراة»»:
ردا على قصيدة الشاعرعبدالعزيز بن عبدالله الضويحي
عندما زار اجتماع أسرة الموسى باستراحة
البديعة بمحافظة مرات
سبحانه المولى بذكره بدينا
والطيب في خلقه من الله وهايب
ولضيفنا بالجود تندا يدينا
يامرحبا باعداد نود الهبايب
يابن ضويحي لاوفينا وفينا
الله يجملنا مع اهل ونسايب
وانتم كما نجم السماء لاحكينا
لا ماعليكم زود حاضر وغايب
من شانكم بيت القصايد بنينا
وحنا نعز احبابنا والقرايب
أم تميم (القاهرة)
٣/ ١٠/ ١٤٣٧هـ
الاشتراك في:
الرسائل (Atom)