ارسل الشاعر نديم كميت - حمد الدعيج مقطعا لقروب الشعر
فقلت ممالحا لابا مشعل:
وش علام قروبنا ما فيه احد
لو تشيل الصوت يرجع لك صداه
يانديم كميت تكفى ياحمد
قروبنا وش فيه ويش اللي بلاه
ابوعبدالله الضويحي
فرد ابامشعل:
كل ماناديت ياقروب البلد
ياصل الصوت الجريح لمنتهاه
وينكم ياهل الشعر محدن يرد
وعود الصوت الجريح لمبتداه
نديم كميت
ثم رد محمد البخيتان:
والله ان الوات كل به زهد
ماقدرنا نتبعه ناصل مداه
كم قروب عندنا والله نكد
مالقينا فرق واضح في حداه
كل واحد حط جهده والجهد
وكرر المقطع وهذا اللي بلاه
محمد البخيتان وارث الشعر
فقلت:
يانديم اشكرك ياوجه السعد
ابتهج صدري بردك من لفاه
اشهد انك كنت واضح بالمرد
ياطبيب شخّص العله دواه
العرب ملت ولاتلقى جدد
كل شي مكرر للي وراه
ابوعبدالله الضويحي
ثم رد ابراهيم العمر :
ابوعبدالله وبومشعل حمد.
جهدكم واضح وعالي مستواه.
العلوم سمان ياوجيه السعد
الوفاء من طبعكم يااهل مراه
ابراهيم العمر ابونواف
ثم رد الشاعر عايض الدعجاني معلقا على المقطع:
شفت حيوانن يصيح ياولد
له وليفن يمكن انه مالقاه&
والله انه لو يصيح للابد
ماله الا يساير ظروف الحياه&
المحبه مثل حبل من مسد
عاننا ناطى على جمر الغضاه&
لي ثلاث شهور صابر يافهد
في رجا خل قطع قلبي غلاه&
اتحرى شوف مركوز النهد
جعل كل البيض من داني فداه&
كل عاشق ل انتحى قلبه ل احد
مايرد السيل عن درب عطاه&
عايض الدعجاني
1437/8/2
الساعه الثالثه عصرا
ليست هناك تعليقات:
إرسال تعليق