الجمعة، 29 يوليو 2016

مجاراة ابوسامي الضويحي لقصيدة عبدالعزيز الضويحي

مجاراة ابوسامي الضويحي لقصيدة عبدالعزيز الضويحي
 هذه القصيدة مجاراة لقصيدة الشاعر : عبدالعزيز بن عبد الله الضويحي. 
التي مدح فيها والده. خالي العزيزالأستاذ: عبد الله بن عبدالعزيز الضويحي
 وأجاد وأشاد فيها بأجدادنا وأبناء عمومتنا أل ضويحي رحمهم الله. 
ياللي  مدحت آل الضويحي ونعمين.
مشكور  باللي  قـلت  فـي كل iiحـاله.
مدحت أبوك اللي على الراس والعين.
خالـي    وله   تقـديروالطـيب   فاله.
ومدحـت   جـدانٍ   لنا   iiمسـتحـقين.
والكـل   منهم   نفتخـر  فـي  iiفـعاله.
وجـاريت  لك  بالقاف ماقلت iiبعدين.
مادام  شعـر  المـدح  واسـع  iiمجـاله.
شربت  لي  فنجال  والحقت  باثنين.
مـن   دلـة  مــن  ذاقـها  ســاح  باله.
بريةٍ   بالهـيل   مـن  طعمها  iiالزين.
زالت  عماس  الفكر  واطلق  خياله.
وجتني  المعاني  مثل  هيم البعارين.
ورّدتّـها    تشــرب   بصـافي   iiزلاله.
وصدرتها  يوم  ارتوت  بالنبا iiالزين.
فـرايــدًٍ    ماتقــبل    إلا   iiالجــزاله.
وابـديتها     مااخـفيتها     يامحـبين.
ولا   خــير   باللـي   مايثمـن  مقاله.
بلا   قصًـور   بالرجــال   المسـمين.
أهـل   مـرات  أهـل  الكرم  iiوالشكاله.
به   واحـد  معـروف  بين  الميامين.
رجـل    كـريمٍ   وافــياتٍ   iiخصــاله.
له   سـيرة   عـطره   وربعٍ  عـزيزين.
والكـل   يمـدح   فيه  لاجـا  iiمـجاله.
هذاك  أبوي  اللـي  توفى من iiسنين.
يالله   عسـى   جـنات  عـدنٍ  iiمـآله.
ياكثرمـاله    مـن   رفـاقه   iiومـغلين.
وسـط   المجالس  دايمٍ  يندعى  iiله.
امحمد    اللــي   راجـحٍ   بالمــوازين.
ابن   ضـويحــي   وافــياتٍ   iiفــعاله.
بيته    مضــيفٍ    دايـمٍ   للقــريبين.
يبذل   لهــم   مايمـلكه  مـن  iiحلاله.
كريم  وقت  الشح  في  بيتنا الطين.
لا  جا  له  المحـتاج زاد العـطى iiله.
ريف  الفقارا  والضعوف  iiالمساكين.
ويمناه  تخفي  ماعطت  عن شماله.
وله  قصةٍ  يوم  إن حــنا iiصـغيرين.
مـانيب  ناسـي  هـومته  واعتجـاله  ii.
فـي   ليلـة  ظـلما  ذبح  له  iiطـليين.
هـذا   بعـد  هـذا  لضـيفٍ  لفـى  iiله.
ويوم   انتقلنا   للمخطط   iiسـعيدين.
ماهـوب   يرفق   ياجـماعه   بحـاله.
دايم  وهـو  ملفى  لمن  جوه iiعانين.
للمتحف  اللي  حـط  به  راس iiماله.
يفرح   بزواره  وناشـي  عـلى  الدين.
مايقبل  النمه  مـن  اللـي  حكى  له.
ولاجت  صلاة الفجر قبل iiالمصلين.
إيسـابق    المــذّن    ويــذّن   iiبــداله.
ودايم  بفـجر  العيد  والناس  غافين.
فرشـته   عــند   البيت  معـها  دلاله.
يعــز   جـيرانه   وهــم   له  iiمـودين.
ويفرح   بخدمتهم   وراعي   iiجماله.
ومـازال   ذكـره  بين  كل  iiالعزيزين.
والبيت    بالديـره   كمـيتٍ   iiشـماله.
المعـلم   اللـي   به  تراث  iiالقديمين.
جهدٍ  مـن  أخـواني  صعيبٍ  iiمناله.
ياتيه    ســكان    الـبلد   والبعـيدين.
والكـل   يدعـي   له  ويشكر  عياله.
وصلاة  ربـي  عـد ماغمضت iiعين.
علـى   الــذي   بـلّغ  وأدى  iiالرسـاله.
عبدالله بن محمد الضويحي_ابوسامي 
 ١٤٣٧/١٠/٢٤هـ

هناك 5 تعليقات:


  1. قصيدة بل معلقة..... صدرت من شاعر كبير وشهادتي فيه مجروحة ...ولا اقول الا بيض الله وجهك ايها الوفي على هذه المعلقة عن علم من اعلام مرات الشيخ محمد بن عبدالرحمن الضويحي رحمه الله رحمة واسعة وجعل منزله في عليين و مهما قلنا فالقصائد لايمكن ان تفيه حقه ...رجل الجود و الدين والكرم تسلم يا خال ويكفي القصيدة ان قائلها ابوسامي الضويحي
    محبكم عبدالعزيز بن عبدالله الضويحي

    ردحذف
    الردود
    1. بارك الله فيك وناخالك وبيض الله وجهك على شعورك الطيب تجاهي وجهودك المتواصلة وقصائدك المميزة. والله يطول عمرخالي ويمتعه بالصحة والعافية . ولك شكري وتقديري.
      أبوسامي الضويحي

      حذف
  2. صح الله السانك والضويحي عائله كبيره وتستاهل كل خير ويستحقون الكثير صح السانك ابا سامي وبيض الله وجهك

    ردحذف
    الردود
    1. يا هلا و مرحبا بالشاعر و المنشد فهد بن عبدالله الروضان شرفني مرورك بمدونتي و ماعليكم زود اهل واحبة ...تحياتي لك يامنشد الوشم

      حذف
    2. صح بدنك يابروق الرياض ومشكور على تعليقك وإشادتك. والله يرحم والدينا ووالديكم عن النار.
      أبوسامي الضويحي

      حذف