الخميس، 29 أكتوبر 2015

مجاراة (ناس على شوفتك)

🍀🍀🍀🍀🍀🍀
(+(+((مجاراة))+)+)
🍀🍀🍀🍀🍀🍀
١٤٣٧/١/١٦هـ

ناس(ن) على شوفتك تفرح بجيتك
وتقوم بالواجب  وتحرص على الضيف

وناس تجيها ماتحسب  لجيتك !!!!!!!!!!
ان جيت ولا رحت ماكنك مشيف !!!!!!!

فهد بن عبد الله الروضان
-----------
هذي مجاراتي للشاعر فهد الروضان ابو عبد الله ،،،،،.
---------------
اللي فرح بك حاسب لك وخاطرك !!!
في مجلسٍ تندار به دلة الكيف!!!
هذ الرفيق اللي فهمته وفاهمك !!!
والطيب دربٍ للقلوب المواليف !!!
و اللي ذكرته ما يحسب لجيتك !!!!
هذا الردي في زول شين التواصيف !!!!!
خله بعيد لا يجي في مجالسك !!!
لوجاملك بالهرج في رفقته زيف !!!
--------
محمد الدايل ابو ابراهيم
---------------------
مجاراه
حي  الرجال  اللي الى  جيت حيتك
وتقدم    الفنجال   بالهيل   والكيف

والا  الرخوم ان جيتهم  من  خطيتك
خلك  عزيز  و لا يجي  فيك تسويف

ارفع   مقامك  ترفع   الناس  هيبتك
ومجالس   الرديان   مافيه  تشريف
محمدالبخيتان
----------------------------
مجاراة

ذولي هل الطولات مرحوم ميتك&
اللي تحوف بغالي الهيل للكيف@
ان كنت ضيفٍ اجزلت لك تحيتك&
والاالعدوترفع له الرمح والسيف@
والثاني دنيوي ولاشاف جيتك&
يصدالى شافك يحسبه ماشيف@
بومة خراب تكرم شعور لحيتك&
غيرالدجاجه مانبي له  تواصيف@
والراي رايك وانت الابخص بتيتك&
والاترالمقصودبالردتشريف@
فهدالمجيول
---------------------------
الصاحب اللي ما يحسب لجيتك
عده ولا تكثر عليه التحاسيف

وانص الذي لاغبت دايم يعاتبك
ذاك الكريم اللي بعيد عن الحيف

في مجلسه تلقاه قرم ويطربك
طلق المحيا مع جميل السواليف

تبهج فؤادك نظرة له ويعجبك
لامن لفيته كن هو عندك الضيف

عبدالعزيز الضويحي
--------------------------
الاخ أبوعبدالله (بروق الرياض)هذه مجاراة بسيطه لاأبياتك الرائعه،،،،،،

عليك باللي عند مقدمك حيتك&&&
ناس منازلهم أبد عالي النيف
&&&
دايم نواياهم تطابق لنيتك&&&
وتظهر علوم الطيب لازارهم ضيف&&&
ومادام علم الجود والطيب شايتك&&&
فاترك خشاش القوم وانحر هل الكيف&&&
اخوك/علي الدعيج(ابوحمد)
---------------------
وناس ن عزيزة ما تبي غير خوتك
تلتف حولك في ليالي الصواديف
وناس ن عجيبة همها يوم  زلتك
تشمت وتضحك حبها فيه تزييف
حذراك منها لا تجي حول جيرتك
خل  العلاقة  بس حد  السواليف
معناك  في  بطنك   وعلمك بنيتك
وخلك على طيبك بعالي المشاريف

عبدالله الفرحان
-----------------------
مجاراه

الفـعـل مقـياس الرجـل كـان حدتك
دنياك دورلك رجال (ن) على الكيف

جــنب عـن الـلي مـاتكـلف لحضرتك
يقـول انا طـبعي مـحــب الـتكالـيف

وهو ردي كــان..إنـك اجـزلت مـدتك
ينسى ابـوه ويشـغـلك بالـسـوالـيـف

خـالـد الـفـايـز
----------------------
مجاراه

ذولي هم اللي يستحقو تحيتك
جاه ووجاه شوفهم عندنا ريف

وذوليك لاتصحب جنابك وخيّتك
يحرم عليهم لذة النوم والكيف
سعد ابو حمد المجلي
-------------------
مجاره
وناس تقدر لك ظروفك بغيبتك..
من طيبهم وان جيت زادوك تشريف..

وناس من اجل الشك ضحوا برفقتك..
على هواهم ماعليهم تحاسيف..

(أبوسامي الضويحي)
-----------------------
مجاراة
مدري غلا والا من الشوق لاقتك
وجيه الرجال اللي بعيده عن الزيف

تبحث عن الناموس وتتعب لراحتك
ماهمها لو هي تزيد التكاليف

تزيد همتها وتعلو لهمتك
عزاز النفوس وللمعالي مواليف

ماجدعبدالله العتيبي
----------------------------

ليست هناك تعليقات:

إرسال تعليق