هيضني السيل في مرات..
وانا قصيمي على النيه..
اتبع علوم الحيا بسكات..
وافرح الى طاح وسميه..
السيل في داخل الحارات..ى
يجري برحمه وحنيه..
لولا الشوارع بها صبات..
ضيعت دربك من الميه..
فتحاتها تقل عبارات..
تصرف الماء بحريه..
والسد فايض مع الفتحات..
واصل حدود قياسيه..
وحبيت اهني بهالخيرات..
كميت ورجاله الحيه..
اهلك ترى من زمان فات..
لهم مواقف بطوليه..
اهدي زهور الوفا باقات..
لكل نشمي ونشميه..
مني عليكم مع النسمات..
احلى تحيات وديه..
شاهر الظاهري
1436هجرية
ولم أطلع عليها إلاقبل أسبوع فكتبت هذا الرد.
ياشاهر اتحفتنا بابيات..
يالضاهري طيب النيه..
مريت شفت المطرزخات..
يمطرعلى كميت عصريه..
وجتنازهور الوفاباقات..
معها تحيات وديه..
هنيت للكل بالخيرات..
مرات ورجالها الحيه..
بك نفتخر ياحسين الذات..
ونطلب زياره خصوصيه..
قل تم ياراعي الجزلات..
حددلنا موعد الجيه..
مع من تبي وابرك الحزات..
ناخذك جوله سياحيه..
مطل بكميت به جلسات..
ومعالم دوم منصيه..
بير الوليدي بعصر فات..
للجيش حفرت ومطويه..
وخبرا غدير به اللذات..
دايم من الغيث ممليه..
تاريخها جاهلي بمراة..
قبل العصور الهلاليه..
وبيت الضويحي بمقصورات..
وسطه نوادر تراثيه..
وان جا ربيع وجت طلعات..
ربعي رجال شفاويه..
ضارين بالبر والمكشات..
ماهم بواحد ولا ميه..
ناس لهم بالكرم عادات..
ماهيب والله منسيه..
والمجدوالعزوالنخوات..
بكل الديار السعوديه..
وانتم هل الطيب والفزعات..
قصمان ونفوسكم حيه..
في مامضى لاجت الهيات..
نوق العقيلات محميه..
ويالظاهري راعي الجزلات..
حددلنا موعد الجيه..
( أبوسامي الضويحي )
محافظة: مرات1437/2/25
ليست هناك تعليقات:
إرسال تعليق