رد ابوسامي الضويحي على ابن زيد

هذه القصيده-قالها الشاعر:عبدالله بن محمد الضويحي .رد على قصيدة الشاعر:
عبدالله بن محمد الزيد.

يامرحباباللي توجد على كميت..
قلبه يحن.. لديرته ..مانساها..

ابدع بنظم القافيه ماكسربيت..
بقصيدة(ن)مما بقلبه بناها..

من هوسمعها قال ياشيخ وفيت..
وانساح بال اللي بعينه قراها..

وسط الجريده شفتها ثم فزيت..
وفهمت ماتعنيه في محتواها..

وابديت ماكنيت واوضحت مااخفيت..
واخترت من زين المعاني بناها..

الله احد ياما على كميت عديت..
اشرف مرات ونخلها مع رباها..

وياما بكل اسواقها قد تمشيت..
يالديره اللي في فؤادي غلاها..

واليوم يوم إني بالاطلال مريت..
هلت دموع العين مما دهاها..

شفت البيوت اللي قديم لها صيت..
تهدمت ماكن.. شيد.. بناها..

ولآ كن ديج ابها وﻻ قد سكن بيت..
وﻵكن اهلها ضيفوا من لفاها..

ومشيت وجهة غرب ثم ارجهنيت..
بشوف المدينه والمخطط زهاها..

قامت بها النهضه على ماتمنيت..
في موقعن مرموق شيد بناها..

فيه الشوارع واسعه يوم مريت..
وفيه الحدايق والفلل في بهاها..

والحمدلله ربنا حامي البيت..
حل التطور في مرات وكساها..

وآل السعود ادعي لهم كل ماامسيت..
هم نورها هم فخرها هم ذراها..

يابو محمد من تغربت ماجيت..
عشرين عام مع ثﻻث وراها..

نبغى الزياره منك ﻻكنك ابطيت..
عن ديرتك واللي سكن في ذراها..

اركب على جمس(ن)جديد أوشفرليت..
واﻻ على اللي طايرات بسماها..

واعزم كفيت العوق للي تمنيت..
وتمم لنفسك ماشتهت في هواها..

ولا لفيت وبين اقاربك حليت..
وشفت الجماعه والبلد مع رباها..

فارجع لمكه سالم(ن) ﻻتعنيت..
وتعيش دايم مهتني في حماها..

هذا وتمت يوم للقاف رديت..
واوجزت للي ديرته مانساها..

وصﻻة ربي عد من حج للبيت..
على النبي الهاشمي منتهاها..

  ( أبوسامي الضويحي )