الأربعاء، 25 مايو 2016

ماضي الشوق

تعبت الملم ماضي الشوق فيني.
واكتب حروفه داخل السطر وابكيه.
خانت مواعيد الامل شوق عيني.
وامسى شراع القلب في عالم التيه. 
يا اللي تقول الجرح بينك وبيني.
لا والله الا جرح قلبي سطى فيه.
رغم الجروح ورغم هجر السنيني.
أسمك يزلزلني الى مر طاريه. 
مامثلك بدنيا الهوى يا ضنيني.
تبقى الوحيد اللي عيوني تراعيه.
مهما بغيت اخفي غرامك يبيني.
تفضحني اشواقي ولوقلت ما ابيه.
غبتي وطيفك يالغلا يعتريني.
يزورني طيفه واضمه واناجيه. 
وأذكّره با لشوق وش كثرفيني.
واخذ علومه واصدق اشواقي اعطيه. 
اثر الغلا في القلب جمر دفيني. 
لاهبت أنسام الهوى دوم تحييه. 
يا اللي تقول الجرح بينك وبيني.
لا والله الا جرح قلبي سطى فيه.

عبدالله الدعيج. ابوريان

ليست هناك تعليقات:

إرسال تعليق