هذارد العالمي على قصيدة الشقردي
عواصف الملكي
لا تلبس البشت خلّه فوق كرسيّه
زعيمنا ما انتهى يا راعي الكورة
باقي تذوق العنا بيد الهلاليّة
اللي بكسب الذهب يا امير مشهورة
ما هي بطولة بدفعات ٍ رباعيّة
هذي بطولة زعيم المجد واسطورة
سلمان قايد مواقفنا البطوليّة
حضر يكرّم شبابٍ فيه مسروره
ابطالنا اللي نسمّيهم شقرديّة
اهتزت الجوهرة باعداد جمهوره
ويوم المباراة سارت للإضافيّة
قامت تصايح جماهيرٍ ومسعوره
تقول فاز النصر وتشيل رديّة
ما تدري إن جحفلي جهّز لهم ثوره
وعند الدقيقة (تسعتعشر) بعد ميّه
كم واحدٍ قام يسعى يم دكتوره
غير اللذي راح في جلطة دماغية
واللي نشبت لقمته ما جاوزت زوره
واللي يولّم لحفلاتٍ دراميّة
كيكته راحت مع الترتيب والصوره
هذي عواصف مطاليق ٍ سنافيّة
خمسة وخمسين بالتيجان محفورة
كتاب الأمس
رد العالمي:
البشت عز وشرف ماهوب طاقيه£
يامن تظن الطواقي تستر العوره&
ياما سقاكم عنا باكواب مَمْلِيّه£
مواقفه في الملاعب دوم مخبوره&
ماهوب ياخذ بطولة حظ عفويه£
بطولته باعرق الاختام ممهوره&
بطولته واضحة باوقاتً اصليه£&
بلا فضايح وخل الحال مستوره£
بالحظ يلعب نقاطه دوم وهميه&
غيّب وغابت شموسه انتهى دوره£"
والحظ يخلق من الاحجار حوريه&
يشهر نوادٍ وهي من قبل مغموره£
منها زعيمك زعيمً يعشق الفَيّه&
ماهوب مثل النصر أعداه مقهوره£
أما الجماهير فحدث لعنبو حيّه&
من لايقول الحقيقة وبيَّن قصوره£
فطاحل العالمي ماهم بخكريّه&
هامات مجدً بحبّ النصر مخموره£
والكاس جاكم زكاة ياالهلاميّه&
والسوبر القادمه للنصر باكوره£
هذا زمان النصر ميَّه على ميَّه&
وغيره رحل مع زمانه وَلَّتْ عصوره£
وحده تربع على القمه وياحيّه&
قاده كحيلان والأفضال مشكوره£
أحدث بنادي النصر ثوره بطوليّه&
أرعب جميع النوادي صار أسطوره£
من عقب كاس الملك أوحي الهلاليه&
الِّي من العالمي لاطَلّ مذعورة£
كن جا لهم حسّ ثمّن زادوا شويّه&
تنفست عقب كانت قبل مقبوره£
مثل القوارض نهاراً غير مرئيه&
وبالليل تظهروتوحي لجة جحوره£
ترى الهلالي كذا في ساعة الهيّه&
لاشعَّت الشمس دايم تذبل زهوره£
ياالعالميّ ياالذهب والراس معليّه&
عَلّمْت خصمك فنون اللعب بالكوره£
راياتك اصفر مع ازرق ثم جيشيه&
وسط السماعند شمسك دوم منشوره£
والختم صلوا على المختار وآليّه&
والصحب ماينكتب حرفً بسبوره£
وازكى سلامه عدد ماهلّ وسميه&
واعداد مايقطفون البن وقشوره£
مع التحية للهلاليين💙
💛💙ابوناصر💛💙
فتى مرات٢١ /٨ / ١٤٣٦هـ
ليست هناك تعليقات:
إرسال تعليق