مباركة الدكتوراة لفهد الضويحي

مبروك يالدكتور نيل الشهادة
عقب الكفاح اللي تسطر بياديك
هذاك ماجستير و هذي زيادة
وذي جامعة جدة تزف التباريك
بشهر رمضان اعطوك صك اعتماده
مع امتياز بالشرف صار يزهيك
وكل الدكاتر جاك منهم اشادة
بمناقشتهم قام كلا يهنيك
وكل على ماقيل حسب اجتهاده
وانت اجتهدت سنين ما فيه تشكيك
سنين مرت ما عرفت الهيادة
مع درب جدة رب الافلاك حاميك
وسهر الليالي صاير فيك عاده
بين البحوث وبين نت يماليك
والعزم عندك واضح بالارادة
والحيل ما قصّر شهوده لياليك
والحمد للي تمها بالريادة
بالمحتوى والمستوى اللي ظهر فيك 
ولابد ما يقفى العسر بالسعادة
وتنسى زمان بالشقى كان يوذيك
عبدالعزيز عبدالله الضويحي. محافظة مرات