لا والله الا صار بُعد الوطن شين
خصً الى من قام يرزم رعدها
مرات قالوا علّها الوسم طربين
وانا فوادي خافق من سعدها
يا عل ذيك الدار تسقى زمانين
والا سنين مايحسب عددها
تمطر على كميت الحمر ضلعنا الزين
ونلقى ربابه واصلًا حد بدها
داراً ثراها ضم كل المحبين
في شرقي كميتً حفرنا لحدها
الله واكبر لاذكرت العزيزين
اللي منول نورها مع عمدها
راحت سنين هم فنرها وهالحين
ما باقي الا ابوي وامي بعدها
هم نور ذالدنيا و هم راحت العين
و الدين وصانا قبل نعتمدها
وجماعتي يالربع قوم كريمين
انشد عن اهل مراة ماضي عهدها
ما حدً يجاريهم على العسر واللين
بفعولهم للدار كلاً حسدها
يستاهلون العز حماية الدين
الى نختهم ضد منهو لهدها
اكوانهم مذكورةً بالدواوين
في مطلع التاريخ ما حدً جحدها
وبالحاضر الزاهر شهود وبراهين
محافظة مرات نالت وعدها
قمنا نفاخر في بلدنا سعيدين
بسماً جديداً في قراراً وردها
صارت علامة بارزة بالميادين
واميرنا المحبوب هو معتمدها
والحمد لله مع صلاة المصلين
على محمد عن مرات وولدها
عبدالعزيز الضويحي-ابوعبدالله
الرياض فجر الجمعة١٤٣٥/١/١٨هـ
ليست هناك تعليقات:
إرسال تعليق