بمناسبة امطار الخير والبركة
على محافظة مرات
قلت:
جعل السحاب اللي همل تالي الليل
ينثر على دار المحبين ديمة
يسقي مرات وكل هاك المساييل
وكميت والجفرة ودار قديمة
عبدالعزيز بن عبدالله الضويحي
ابوعبدالله
مرات ١٤٣٦/٥/٢٩هـ
###############
مشاركة الشاعر ابوسامي:
دار الرجال الطيبين المشاكيل
اللي لهم بالجود قدر وقيمه
اطلالهاتبقى شواهدلذا الجيل
عاشوابعسرالوقت عيشه كريمه
عبدالله بن محمد الضويحي
ابوسامي
####################
مشاركة وارث الشعر:
دارً بها نسل الرجال الحلاحيل
اهل الشيم واهل الفعول العظيمه
لا جيتهم تلقى العلوم المداهيل
ومن غاب عنها زاد ويله وضيمه
محمدالبخيتان
ابوعبدالرحمن
####################
مشاركة الشاعر(ابوناصر)
💦💧 😪 دمع غيمه 😰💧💦
الله يجيب دعاك ياتي هماليل#
يسقي رياضً في بلدنا عديمه*
مامثلها في طيب نَبْت ومداهيل#
ريفً بَهَا مرباع ماهي وخيمه *
مدهال لرجالً تَعَشْق التعاليل#
واهل الحلال سنين فيها مقيمه*
للرَّعْد هو والبرق ذكْر وتهاليل#
سَبّح لربه يشكره دمع غيمه *
وبلً غزيرً وَلِيْ وَدْقً شهاليل#
تجري مَنَهْ وديان وارضً عقيمه*
جَفَّتْ من الما ثم صارت مناهيل#
يارَدْ هن انسانً وطير وبهيمه *
والطير تشدوا من لحنها مواويل#
وتخضرارضه ثم يحلى نسيمه*
اسمه حيا يحيي هشيم الحيايل#
لاحَلّ بارضً زاد ها السَّيل قيمه*
يا ديرة الأمجاد دربك تسا هيل#
انا اشهد انك دوم والله عظيمه*
ان كان حاتم طي راس المشاكيل#
فاهل ( مرات ) اشكل كرامه وشيمه*
في مامضى واليوم حتى مقابيل#
للضيف عند القوم قدر وحشيمه*
ينبيك عنهم ذكر ناسً حلاحيلً#
الحيّ يقري ومن رحل في نعيمه*
حيوهم اهل الدار نِعْمَ القناديل#
للدرب تهدي والطرق مستقيمه*
💦 شعر💦
محمد بن عبدالحكيم الشبيكي
{ فتى مرات }١٤٣٦/٦/٢هـ
#########################
ليست هناك تعليقات:
إرسال تعليق