خمسين شاعر
البدع
يم ديرة مرات اللي بها خمسين شاعر و في ظني تزود
نرسل ابيات شعر طامعين من قراها يجيب ردودها
ما نبي القاف ياقف بالمعاني و المعالي بها نرقى سنود
طرقها طرق من طرق العسير وكايد مير يسهل كودها
عبدالعزيز الضويحي. ابوعبدالله
**********************
الردود
1-
حي ذا القاف ياشاعر ومن ديرة عريبين الجدود. ساس من ساس ربعه بالمواقف تبين فعولها. ليت منهو بقرب كميت ياخذ له زمن ماهو محدود. ويتشرف بشرواكم جليس ً له ليالي حولها
خالد بن ضويحي الضويحي
******************
2-
مرحباً بالشاعر اللي ورد له مارد عذب من احلى ما العدود،،،،
الغدير اللي جنوب كميت من شرب من ماه بل كبودها .
اشهد انك شاعر من نسل شعار وافين الجدود ،،،
تنحت القاف وتصوغ المعاني كما راعي الذهب لا بغا مردودها.
ديرة الشعر والشعار يا علني فدوة لك ف الوجود،،،،
يا عروس الوشم يا مهرة ما كل منهو تمناها يدوس حدودها.
فهد بن محمد الفهيد
*********************
3-
شفت رد النشيداللي طرحه الشاعرالفذ بحره مايكود
ينظم ابيات بحره شاعرٍ باخص وكل البحور يرودها
مرحبامرحبا يبن ضويحي جبت طرقٍ طويلٍ ومعدود
والبحور الطويله والقصيره والوسط تنعرف بحدودها
حلوان الحلوان
*********************
4-
ياهلا مرحبا بالشاعر الوافي وحنا عليه من الشهود
أشهد ان المعالي في العلالي والعلالي صعيب صعودها
لك تحيه من اللي في القروب اصغيرهم والكبير بلا حدود
والرجال العظيمه في المكارم تعمل الجود من ماجودها
ابو عبدالعزيز الضويحي
*********************
5-
مبدع القاف مرسولك لفى يمي والابداع ما يبطي يعود
نسمع القول منكم طايعين ديرة كميت باين جودها
شاعر عمت في بحر المعاني صغت من كل صيداتك عقود
اشهد انك تعشق المستحيل وكل صعبة تحب ورودها
صالح الضويحي
**********************
6-
مرحبا من هجوس ن لا توانت ردها جاك هو عين الردود
ضامي الشعر يروا لا سمعها كن سلك الحرير يقودها
وردها يالضويحي ورد ضامي لو تصّدِر وهي تبغا الورود
ما حدتها الطواريق العسيره عن هواها وعن مارودها
محمد البخيتان
**************************
8-
انت يالمبدع اللي تبدع القيفان وش علمها قامت تكود
يارفيقي يا بو عبدالله اللي تتعب الناس في مردودها
يالضويحي ترى طرقك لفاني يتعب القلب ويزيد القيود
اشهد انك بدعت القاف وحنا قادرين نجيب ردودها
عبدالله الدعيج ـ بوريان
************************ 9-
ابشر بشاعر(ن)يعطي ردود لو تبي كثرها عشره يزود جاني يا بن الضويحي جاني منكم قاف منظوم وهاكم ردها
ننتشي ننتشي يابن الضويحي ننتشي ثم نطلع للسنود
طرقها ﻻحسير وﻻ عسير مير عندك رجال(ن)قدها
فهد بن عبد الله الروضان
***********************
10-
مرحبابك عددماﻻح برق في مزون بها يسمع رعود.
يوم قافك ونا خالك وبدعك شاقني صغت لك مردودها.
كل شاعر وعارف في بلدنا لاقراها يبي يبذل جهود.
والتنافس شريف ان كان شارك مالحق كلمته منقودها.
( أبوسامي الضويحي )
***********************
11-
مرحباً بالبرازي ياهلا به عدما خلق كاين بالوجود
مرحباًبه عدد مالاح نجمً بالسما وارسله معبودها
من قرينا الرساله ماكتبنا لين بانت لنا بعض الردود
لايجي ردنا لك يالسنافي به سمه من سمات ردودها
آه ياشن بقلبي ياجماعه من الغلى والولي خير الشهود
لوالدك هو رفيقي في صبانا يومها ماوفت بوعودها
أعرف بحالها والله تراها مابها الا المفارق والجحود
يوم تسعدك ثمًًّ يوم تغدر تختلط بيضها مع سودها
جاك ردّْ المعذَّب لاتحدَّى راعنا لاتبيّحنا السدود
جاك خمسين شاعر في تتابع والمعاني رقت لسنودها
محمد الشبيكي ـ ابوناصر
**************************
12-
،، مرحبا بالشاعر اللي بالمعاني جاب شعرٍ يجود ،، ،،
جاد في نظم قاف اخضرت به الريضان وازهر عودها ،،،
يا لبرازي جبت قاف من بحرعسر على الناظم يكود ،،،
جبتها منقية الوضح
نادرات الزين نا فله من ذودها ،،،
كنها داعج العين ناعس الطرف موٍردت الخدود ،،،
الغنوج اللي تبختر كامله بالوصايف فا رعه من زودها ،،،
يالضويحي جاك ديمه و هملول ٍعلى قولك ردود ،،، جابها الشعار مثل قصدك تبي وارتقى مقصودها ،،،
محمد الدايل ـ ابو ابراهيم
**************************
13-
مرحبا بالشاعر اللي طوع القاف الشرود
مرسلن للنشاما طامعن بردودها
هاضني بالبيوت اسما عزيز مدود
هي مرات العز ربي يحفظ لها حدودها
لانظرت كميت شامخ كنه الفارس يذود
او كريمن يبغي الناس ترد عدودها
خالد العتيبي ابو نادر
***************************
ليست هناك تعليقات:
إرسال تعليق