خاطرة صباحية
سلام يا قروب الوفاء و الشهامة
سلام ياقروب الرجال المناعير
قروب تأسس بارض عز وكرامة
بديرة مرات اللي تضم المشاهير
بالدين والتعليم فيها علامة
وايضا الادب والشعر مافيه تقصير
تاريخها معروف لاهل الفهامة
اللي لهم بالكتب مارد وتصدير
وكميت معطيها على المجد هامة
له عند اهلها كل فخر و تقدير
عبدالعزيز عبدالله الضويحي - ابوعبدالله
::::::::: مجارات
يامرحبا واعداد وبل الغمامه
يالشاعرابن الشاعر ابن المناعير
وافي ومخلص مايجيكم ملامه
في حب ربعك مايجي منك تقصير
وابوك قبلك جعل دربه سلامه
فيه الوفا للدار بارز كما النير
يشهد له اللي مايثني كلامه
من الجماعه والرجال المخابير
نورطريق اجيال واجلى ضلامه
للي عن الماضي يحب التدابير
وال الضويحي كلبوهم علامه
في وسط دارً زاخره بالمشاهير
واختامها صلو وثنو سلامه
على النبي اللي يزف التباشير
محمدالبخيتان
ابوعبدالرحمن
ليست هناك تعليقات:
إرسال تعليق