اسعد الله اوقاتكم بكل خير
صح لسان الجميع
كم سعدت بهذه القصائد المعبرة عن حب مدينتنا مرات
ومن باب المشاركة و التفاعل قلت هذه الابيات منذ قليل:
مرات بالتصويت ما ظني تقاس
مرات غير ووصفها شي هايل
مرات عندي كنها نور نبراس
يوضي ولو كانت سماها قوايل
من يقدر انه ياصف امه بقرطاس!!
هي ٱمنا هي روحنا بالصمايل
مرات مرآءة الوشم درة الماس
تاريخ اهلها قد عطاها مثايل
مثايل تدري بها كل الاجناس
و موثقة في كل كتب الاوايل
من باهله و عصورها كانت الراس
الين هذا العصر نعم الحمايل
مافيهم اللي قد مشى درب الادناس
و ما احد يجاريهم بدرب الفضايل
بيض الصحايف والكرم عندهم ساس
ساسا توارث بينهم بالفعايل
اقولها والله مانيب بلاس
في طيب اهلها كاسبين النفايل
والميزة اللي ميزتهم عن الناس
كثر القرابة بين كل العوايل
والله يعز اللي حموها بحراس
ال السعود مطوعة كل عايل
عبدالعزيز بن عبدالله الضويحي
١٤٣٦/٣/١هـ الرياض
ليست هناك تعليقات:
إرسال تعليق